La ilahe il Allah

Kur'ani Shqip

Klikoni ketu per te degjuar Kuran nga recituesit me te njohur ne bote

Si e pranoi Islamin nje Mjek Amerikan !


(Për shkak të neglizhencës së infermiereve nuk u arrit që në byzylykun e dorës së foshnjës të shkruhet emri i nënës për të ditur se cilës nënë i takon.)

Kjo ngjarje ka ndodhur në një spital të Shteteve të Bashkuara të Amerikës dhe si rrjedhojë e kësaj ngjarje një prej mjekëve ameri...kan pranoi Islamin.
Në këtë spital amerikan punonte një mjek musliman nga Egjipti cili ishte mjaftë i përgatitur në aspektin profesional dhe si i tillë kishte ndikim të rëndësishëm në mesin e shumë mjekëve amerikan dhe ishte në qendër të admirimit dhe i lavdëruar në mesin e kolegëve të vet. Ai njëherit ishte edhe mik dhe shok i mirë me stafin e mjekëve. Mirëpo, në mesin e tyre kishte një shok të ngushtë me të cilin gjithnjë ishin bashkë dhe konsultoheshin për çështje nga më të ndryshmet në klinikën e obstetrikës ku punonin.

Një natë derisa mjeku nuk ishte prezent në klinikë, përnjëherë erdhën dy raste urgjente të lindjes. Si raste urgjente lindën dy nënat foshnjat e tyre, njëra femër dhe tjetra mashkull, por për shkak të neglizhencës së infermiereve nuk u arrit që në byzylykun e dorës së foshnjës të shkruhet emri i nënës për të ditur se cili fëmijë i takon akëcilës nënë.

Kur u informuan mjekët për rastin në fjalë, jashtëzakonisht u brengosën se si ta zgjidhin këtë problem, që secilit fëmijë t’ia gjejnë nënën e tij biologjike. Në këtë rast mjeku amerikan iu drejta mjekut mysliman duke i thënë: “Ju thoni se në Kur’an sqarohet çdo gjë, dhe se ai përfshinë të gjitha çështjet pavarësisht se cilat janë ato! Atëherë, urdhëro, si do të na e zgjidhësh këtë problematikë, si do t’ia përcaktosh fëmijës nënën e tij?”

Mjeku egjiptian u përgjigj: “Po, Kur’ani sqaron çdo gjë, andaj shpejtë do ta argumentojë këtë, por më lejo që pak ta studiojë rastin. Pas kësaj mjeku egjiptian menjëherë udhëtoi për në Egjipt, dhe atje shkoi te një dijetar i Universitetit të Al Az’harit për ta konsultuar. Pasi e informoi dijetarin çka kishte ndodhur, dijetari në fjalë iu drejtua mjekut me këto fjalë: “Unë nuk jam i thirrur për çështjet mjekësore për të cilën ti po më flet, mirëpo do ta tregojë një ajet kur’anor, e pastaj ti mendo dhe studio këtë ajet dhe inshaAllah do të gjesh zgjedhje për këtë çështje dhe ia lexoi ajetin: “Për mashkullin hise sa për dy femra.” (En-Nisa: 11.)

Mjeku pasi dëgjoi ajetin filloi me gjithë shpirt të mendojë rreth ajetit, e pastaj e gjeti zgjidhjen. U kthye te shoku i tij amerikan dhe i tha: “Kur’ani e vërtetoi se cili fëmijë cilës nënë i takon!” Mjeku amerikan tha: “Si është e mundur kjo?!”

Mjeku egjiptian i tha: “Të bëjmë analizat e qumështit të dy nënave, e pastaj do gjejmë zgjidhje.” Pas analizave vërtetë e gjetën zgjidhjen, sepse nga analizat e bëra rezultati doli se përqindja e mineraleve dhe vitaminave që përmban qumështi i nënës që ka lindë mashkull është i dyfishtë në krahasim me përbërjen që ka qumështi i nënës që ka lindë femër. Mjeku amerikan sërish e pyeti: “E çka nënkupton kjo, nga e përfitove këtë rezultat?” Mjeku egjiptian ia lexoi ajetin kur’anor: “Për mashkullin hise sa për dy femra.” (En-Nisa, 11).

Pas kësaj mrekullie mjeku amerikan menjëherë e pranoi Islamin dhe e shpalli publikisht atë.

--------------------------------------------------------------------------------------------

Mrekulli në trupin tënd !

Gjatë procesit të frymëmarrjes mbushen me oksigjen 400 milion alveola në mushkëritë tona.Sipërfaqja e alveolave është 150 m2 . Diafragma, muskuli që ndan zgavrën e kraharorit nga ajo e barkut është organi  muskulor më aktiv gjatë jetës së njeriut. Ky organ nuk pushon asnjëherë. Ky muskul tkurret e lëshohet (kontrakton) 11 mijë herë në orë, afro 264 mijë herë gjatë ditës, afro 670 milion herë për 70 vjet jetë.

Truri ynë është kompjuteri më i përsosur në botë. Ai përbëhet nga 100 miliard qelizash të përhimta e barabartë me një potencial mbi 10 mijë programe kompjuterike në veprim të përhershëm. Sipërfaqja e këtyre kompjutërve është 250 mijë km2 (sa gjysma e sipërfaqes së Francës). Të shtojmë edhe diçka: nevojitet pak dashuri dhe intimitet për të lindur krijesën e re, njeriun. Këtë nuk mund ta realizojë kurrë asnjë kompjuter.

Çdo ditë shkenca zbulon gjëra të reja tek njeriu. Biologët e universitetit të Miçigenit zbuluan në lëkurë dhe në flokë të njeriut metale si: argjendi, plumbi, kallaji, zinku, hekurri, bakrri dhe alumini.

Ciklonet dhe anticiklonet rrallë herë kalojnë shpejtësinë 130 deri 140 km në orë, kurse shpejtësia e ajrit që del prej mushkërive nëpër kordhat zanore gjatë tështitjes arrin shpejtësinë 390 km në orë. Çfarë mrekullie e Krijuesit !

Në realitet ne jemi “qënie elektrike” ngase që të 60.000 miliardë qelizat e njeriut funksionojnë  në saj të elekticitetit natyror të tyre, që i dhuroi Mjeshti i përsosur, Allahu i Gjithëfuqishëm dhe i Gjithëdijshëm.

Shkenca e mjekësisë thotë se çdo qelizë e trupit tonë është një uzinë në miniaturë, nga brendia e elektrizuar me elkticitet negativ, ndërsa nga jashtë me elektricitet pozitiv.

Në këtë sistem gjenial bazohet metabolizmi ynë. Me anë të elektrokardiogramit (EKG) dhe elektroencefalogramit (EEG) ne sot mund të regjistrojmë elektricitetin që emiton zemra dhe truri.

Allahu i Lartësuar në Kuran thotë: “Po edhe në veten tuaj. A nuk po e shihni?” (Dharijat, 21)

Shumë njerëz e lexojnë këtë ajet pa u thelluar shumë në fjalët kuptimplota që i përmban ai. Duke analizuar me vëmendje këtë ajet dhe duke vështruar vetveten do të gjejmë shumë shenja dhe argumente në veten tonë.

Ndodh që dikush thotë: unë jam zotërues i vetvetes, unë e kontrolloj vetveten dhe bëj çfarë të dua e ç’të më teket. Kjo nuk është e vërtetë, sepse trupi i njeriut është pronë e Allahut të Plotfuqishëm.

A thua mund ta detyrosh të pushojë pak zemrën  që rreth pa ndërprerë? Ose nëse ndalet rastësisht, a mund ta bësh të lëvizë përsëri? Si ke guxim të pohosh se e ke nënkontroll dhe ia ke nënshtruar zemrën vullnetit tënd. Kur fle, zemra rreh pa u ndalur.

Po frymëmarrja? A thua ti merr frymë me vullnetin tënd? Duhet ta dish se frymemarrja është një veprim që kryhet instiktivisht 16 herë në minutë, pa dëshirën dhe insistimin tënd. Kur asaj i jepet urdhëri hyjnor për t’u ndalur, atëherë atë nuk mund ta rikthejë kush përsëri.

Po stomaku dhe gjithë ajo që gjendet në të, shqetësimet dhe reaksionet gjatë tretjes së ushqimit. Po lëngjet që tajiten nga gjendrat e shumta endokrine, a thua të gjithë këto kryen sipas vullnetit tënd?

Po zorrët dhe lëvizja e ushqimit nëpër to, mënyra si i absorbojmë materiet e dobishme për organizimin dhe zhvillimin e tij dhe si i nxjerrim jashtë materiet e dëmshme. A thua të gjitha këto veprime kryen sipas vullnetit tënd, a po kryen pa i hetuar fare?

Po rruazat e bardha të gjakut (leukocidet) të cilat konfrontohen me mikrobet në çastin kur ato hyjnë në trup? Leukocidet, së pari, e përcaktojnë mënyrën se si t’i shkatërrojnë mikrobet, në mënyrë që palca kurrizore të stimulojë tajimin e materieve të mjaftueshme imunitive për t’i mbytur mikrobet. A mos jep urdhër ti për këtë operim të brendshëm, i cili i  ngjan një beteje të vërtetë vetëmbrojtëse? A mos i përcakton ti me mijëra procese biokimike që zhvillohen për çdo sekondë në trupin tënd ?

Pra, të gjitha këto i nënshtrohen vullnetit të Zotit. Ato e kryejnë misionin e tyre pa u ndalur, kurse ti nuk e heton fare këtë.

Allahu i Lartësuar ishte tejet i mëshirshëm ndaj nesh kur i krijoi të gjithë këto funksione vitale për trupin tonë dhe ua nënshtroi vetëm vullnetit të vet, përndryshe njeriu as nuk do të mund të jetonte, as nuk do të mund të punonte, as nuk do të mund të kryente misionin e tij në ndërtimin dhe rregullimin e kësaj ekzistence-gjithësie.

Po ç’do të ndodhte sikur zemra t’i nënshtrohej vullnetit tonë? Sigurisht se do të mbeteshim gjithmonë zgjuar për t’u kujdesur  që zemra jonë të rrahë normalisht.

Po t’i nënshtrohej stomaku vullnetit tonë, atëherë do të na ishin dashur shumë orë që pas çdo racioni të ushqimit ta përcjellim operacionin tretës të ushqimit. Kurse, po t’i nënshtrohej qarkullimi i gjakut vullnetit tonë, truri nuk do të mund të vazhdonte kurrsesi misionin në këtë jetë, sepse ai është i zënë dhe i preokupuar me qindra e mijëra funksione të cilat kryen çdo minutë.

Të gjithë shembujt që sollëm më sipër, njihen nga njerëzit dhe këtë Allahu i Lartësuar e ka bërë me qëllim që t’ua tërheq vërejtjen se nuk kemi subjektivitet personal, por çdo gjë është në kompetencë të Allahut të Plotfuqishëm.

Allahu i  Lartësuar thotë duke na përkujtuar vazhdimisht: “A nuk menduan ata në veten e tyre...”

FALENDERIMET I  TAKOJNË VETËM ALLAHUT,ZOTIT TË BOTËVE !


-------------------------------------------------------------------------------------------------

Psikologët pohojnë se...

70 – 75 % e divorceve ndodhin për shkak të lidhjeve para martesore. Kjo, pasi një vajzë që dikur ka pasur lidhje me një djalë dhe tashmë është martuar, bën krahasime mes djalit që donte më parë dhe të shoqit. Një krahasim i tillë është i pavend, pasi ajo krahason të shoqin që lodhet gjithë ditën në punë, vjen i raskapitur, ka angazhime të shumta... me një të ri i cili nuk kishte asnjë angazhim, gjithmonë e shihje të qeshur, të hijshëm, të zbukuruar, flokët e lyer me xhel, etj...

Çdo konflikt dhe mosmarrëveshje me të shoqin, edhe pse ndoshta pa dashje, ajo e krahason me çastet e bukura dhe të lumtura që kalonte me ish të dashurin e saj.

Siç e thamë dhe më sipër, ky krahasim është i padrejtë, pasi krahasohet mes një personi që ka kushedi sa përgjegjësi, me një tjetër pa asnjë përgjegjësi. Gjithësesi, lidhjet paramartesore ndikojnë negativisht dhe pas martese. Kështu fillon të humbasë dhe dashuria mes këtij çifti të martuar.

E njëjta gjë ndodh dhe me të riun që para martese ka njohur katër pesë vajza, por tani është martuar me dikë tjetër. Ai krahason mes gruas së tij e cila gjithë ditën i duhet të gatuajë, pastrojë fëmijët dhe shtëpinë... dhe vajzës që njihte dikur, të bukur, me flokë të krehur dhe të mbajtur mirë, e parfumosur, e qeshur... Padyshim që ky krahasim është i padrejtë.