99-Ez-Zelzeleh
Me emrin e All-llahut, Mëshiruesit, Mëshirëbërësit!
99:1. Kur të dridhet Toka me tronditjen e saj (të fundit),99:2. kur të nxjerrë barrët nga brendia e saj
99:3. e njeriu të thotë: “Ç’po i ndodh asaj?!”
99:4. Atë Ditë ajo do të tregojë lajmet e saj,
99:5. sepse Zoti yt e ka frymëzuar atë.
99:6. Atë Ditë njerëzit do të paraqiten grupe-grupe, që t’u tregohen veprat e tyre:
99:7. kush ka bërë ndonjë të mirë, qoftë sa një thërrmijë, do ta shohë atë,
99:8. e kush ka bërë ndonjë të keqe, qoftë sa një thërrmijë, do ta shohë atë.